XIX. PASOGAIAT SIPAARAU. 62. Bulat maleppe pasogaiat Yesus

As = do, 6 ketuk
Ref.KJ/353. Sungguh lembut Tuhan Yesus memanggil
(Sofly and tenderly)

1. Bulat maleppe ipasogai Yesus,

    kaku samba leu kekeu.

    Itco ai Nia masingenaake,

    aku samba leu ekeu.

 

    Reff.

    "Konan le kam Kaku,

    samberi simasaggo tubu!"

    Bulat maleppe pasogaiat Yesus,

    "Konan se ba' tuareu"

 

2. Bui makeppu bagam pasogaiatNia,

    kaku samba leu kekeu.

    Kau nusilo beunan katet bagaNia

    kaku samba leu kekeu.

  

3. Gogoi samba tetre tusasabau le

    kaku samba leu kekeu;

    Bara gepgep ailiggou kamateiat

    kaku samba leu kekeu.

 

4. Bulat simakate baga le Yesus

    kaku samba leu kekeu.

    Siappeake leu sangamberi jom

    kaku samba leu kekeu.

61. Repdep onin Tuhan Yesus

Bes = do 4 ketuk

Ref. KJ/344.Ingat akan nama Yesus
(Take the name of Jesus with you)

1. Repdep onin Tuhan Yesus,

    ke bara reureu bagam:

    Oni sipusuibi bagam

    ka senen eijanannu.

    Reff.

    Yesus le oniNia,

    karonan tai ka polak!

    Yesus le oniNia,

    siake angkat baga.

2. Ukka onin Tuhan Yesus,

    iate korabbinu.

    Ke bara pasisiboat,

    ne te masirom ekeu.

3. Bulat abeu onin Yesus,

    siake angkat baga.

    Ke ikupkupmake sita,

    bara angkat bagata.

4. Ke taarep onin Yesus,

    kau taroroi kam Nia

    tapoiliat Rimatata

    kise teteret buru.

XVIII. PANUKANAN. 60. Kam saladdut Kristus

Es = do, 4 ketuk
Ref. KJ/339. Maju laskar Kristus
(Onwards Christian soldiers)
1. Kam saladdut Kristus, laba geget jo!
    Siliktengan Yesus, kau nupakei kam!
    Muenung Rimata, tutakenen mui;
    Tutake le Nia, numamanang kam!

    Reff.
    Kam saladdut Kristus, laba geget jo!
    Siliktengan Yesus, sikau mamanang!

2. Ke taukkaake korabbita ne,
    mutuitui sanitu saggak bele le.
    Ngeungeu le narako iarep ngangam,
    masiuraiake geget Tuhanta.

3. Kele saladdu le sapaamian,
    masiumunake Kristus Tuhanta.
    Sara le tubuta Sipunenan te

    Sara karonanta ka tonem baga.

4. Geget pupolangan ottou lelep le.
    Sapamian geti ta sapru buru.
    Isutnake Kristus palelenganNia

    lulut taan aiom kamateiat ne.

XVII. BANGSA SAMBA NEGARA. 59. Indonesia negaraku

D=do
Ref.KJ/336. Indonesia negaraku

1. Indonesia, negaraku,
    Tuhan aiake nia;
    Kesegeake kai Tuhan,
    Ka bagat panindogat.

2. Bangsa, Indonesia leu,
    Tuhan pukunemannia;
    Reureu baga angkat baga,
    Tuhan le karonannia.

3. Sangamberi pukaioat,
    Tuhan sibakkatNia;
    Samba leu katuerukat,
    Tuhan le  sigalaiNia.

4. Negaraku Indonesia
    Bangsa samba polaknia
    Kineget teteret buru
    Tuhan ipaaleiNia

XVI. PASILIAT RURA. 58. Ron tubu samba leu pusuibiat

Es = do, 4 ketuk
Ref.KJ/332. Kekuatan serta penghiburan
(Day by day)

1. Ron tubu samba leu pusuibiat
    iake Tuhan ka tubuku.
    Senen gogoi ipalulu aku,
    senen jam ipusuibi aku.
    Kalulut anggai bagat Tuhanku
    iarepi panindogatku.
    Angkat baga ele pangoringan,
    masiparon tonem bagaku

2. Senen gogoi ipaalei aku,
    iuruake anggaNia.
    Itotoiake le kabeiNia,
    iusi samberi saggakku.
    Nia Rimata Sipulugege
    Ukkuita Simakate baga,
    ka sou baga ele angkat baga
    mariuriu ipusuibi sita

XV. KASOIBOKAT. 57. Kuddungan kaku

E = do, 4 ketuk 
Ref.KJ/329. Tinggal sertaku
(Abide with me)

1. Kuddungan kaku amasoiboan.
    Memei magepgep, kuddu le Tuhan!
    Ta' nai kusese paroman bagei:
    Sirom aku ne, kuddungan kaku!

2. Memei malegre kamateiatku,
    Nanam polak ne amaraggaian.
    Ta'nai simatom, ta'nai simaron.
    Ekeu le Tuhan, kuddungan kaku!

3. Kukaroni le Ekeu senen jam;
    Ke bara kaku pasisiboat.
    Kasei pa kere Ekeu Tuhanku?
    Tago sonoibo kuddungan kaku!

4. Tata le loto, malegre Ekeu;
    Besit tubu ne taan kurepdep.
    Kamateiat ne kaipangan gegem?
    Sitususuru kuddungan kaku!

5. SiliktengaM le moi ka mataku;
    Sausau enungan ka simapato.
    Amusabungan tinobut kise.
    Teteret buru kuddungan kaku!

XIV. SINAGO. 56. Mutoro le sulu

G =  do, 3 ketuk

Ref.KJ/322. Terang matahari

(Die guldene Sonne bringt Leben und Wonne)

1. Mutoro le sulu itoroi polak ne samba leu laggai,

    leleu samba baruk, mone, puberakat sanang samberi.

2. Mugora le baga kuitco samberi mutoro sulu,

    Ukkui ka Manua, Nia le Ukkuiku kupanindogi.

3. Kua pusurakat ka Sijago sita senen tetere.

    Anggai bagaNia samberi gogoiku tago sinoibo.

4. Iake ron tubu mugalai galajet pasikelatNia.

    Ka epet patuat Nia kuloulogi Sipulubeunan

5. Senen-senen gogoi mariuriu iake anggai bagaNia.

    Tuhan kau kurepdep samberi anggaiNu teteret buru.

55. Muribu jalai

As = do, 3 ketuk

Ref.KJ/294. Beribu lidah patutlah

(O for a thousand tonges to sing)

1. Muribu jalai mateu le masiumun Tuhan.

    Masipakakra Tiboiet tauraiake kam.

2. Yesus, ka bagat oniM ibara pusuibiat,

    Masileppeake baga simareureu baga.

3. Jota simigi aibuian te ka logauNia.

    Aibelaakean sita ka geget sanitu.

4. Simatakkep, puurai kam umun le Tuhannu;

    Simapeset, simasakit kau le numale kam!

5. Romake le aku Tuhan, paron tiboietku.

    Kupakakra ka polak ne kopet beunan oniM.

54. Umun Yesus

ke jl

G = do, 6 ketuk (2X3)
Ref.KJ/293. Puji Yesus
(Praise Him, Praise Him)

1. Umun Yesus! Taumun le Sipaarau!

    Polak, manua leu masiumun!

    Haleluya! Muurai leu samalaika:

    Katuumun sarat ka tubuNia.

    Teret buru Yesus Sijago sita,

    tago, soibo ipaalei sita.

    Umun Nia! Taabeuake leu Nia!

    Umun Nia! Kau tapuurai kam!

2. Umun Yesus! Taumun le Sipaarau!

    Iappeake samberi jota.

    Bukku Bulak samba Karonan bagata

    tusiliktenga le ka Golgota.

    Haleluya! Tata le sou bagata.

    Lulut gege samba aggaiNia.

    Umun Nia! Taabeuake leu Nia

    Umun Nia! Kau tapuurai kam!

3. Umun Yesus! Taumun le Sipaarau!

    Hosiana! Tauraiake kam.

    PurimatatNia teret buru-buru:

    Yesusta Rimata, Nabi, Imam.

    Moi le Nia Rimata Sipaarau;

    Sibakkat gege pulatsanan leu.

    Umun Nia! Taabeuake leu Nia!

    Umun Nia! Kau tapuurai kam!

53. Tuhanmai Sibaraake

G = do, 3 ketuk
Ref. KJ/289 Tuhan pencipta semesta
(O Lord of Haeven and Earth and see)

1. Tuhanmai Sibaraake,

     polak samba leu manua.

     Bulat abeu anggai baga

     siakeNu

2. Matoila le anggai bagaM

    mutoro sulu ka pata,

    mone samba buania

    siakeNu.

3. Silo le pusurakatmai

    lulut beunan anggai bagaM.

    Ka bagat pulalalepmai

    siakeNu.

4. Anubuluake TogaM,

    bule itebui polak ne;

    Lulut agggai bagaM ka kai

    siakeNu

5. Anuake leu ketsatNu

    ka purimanuaiatmai;

    gege samba aggai bagaM

    siakeNu.

6. Ta moi kusiliake kai,

     katuappekat jomai ne

     ka bagat pukakaronan

     SiakeNu.

7. Tata pukaioat polak;

     sarat Ekeu kugaba kai

     pukaioat ka Manua

     siakeNu

8. Panguruat siakemai

    Kekeu kabaraiat nia;

    sangamberi sisiloNu

    siakeNu.

9. Silo le pusurakatmai,

    enga samba galajetmai

    kisedda leu bibiletmai

    siakeNu.

52. Umun RimatatManua

D = do, 2 ketuk
Ref.KJ/288. Mari puji Raja Sorga
(Praise, My soul, the King of Haeve)

1. Umun Rimatat Manua, takau pusurakatta!

    Itebui tubu ketsatta, umun le oniNia!

    Umun Nia, umun Nia, 

    taumun Rimatata!

2. Umun lulut aggaiNia ka sita sigalai jo,

    siburu samba kineget teteret buru-buru

    Umun Nia, umun Nia, 

    kalulut anggaiNia!

3. Kele Ukkui simatopit iagai kasei sita:

    itotoiake kabeiNia masipalulu sita.

    Umun Nia, umun Nia,

    lulut katet bagaNia.

4. Kele ogo le te sita, simaruei malaju,

    tapoi Rimatata geti ta isisili Nia.

    Umun Nia, umun Nia,

    Ukkui Sipulugege.

5. Purappo kam samalaika, sapakoiniet Nia,

    sulu, laggo, panyanyat leu, senen tet're kudduat

    Umun Nia, umun Nia,

    Sipuluerutbaga.

XIII. PUSURAKAT. 51. Polak manua umun le

F = do, 3 ketuk
Ref.KJ/286. Bumi dan langit pujilah
(Praise in the Holiest in the Height)

1. Polak manua umun le Taikamanuanta;

    aiake tiboietNia samba enunganNia.

2. Abeu katet bagaNia ka tubuta sijo,

    Adam sibau moi ka sita siromake sita.

3. Masiku patuatNia, saggakNia bele le,

    ka bagat logau, akkula, mamanang le Nia.

4. Ta te sarat anggai baga, ibakkati kise,

     Nia le Taikamanua, iate Ukkuita.

5. Nia Togat Simanua, Silaba geget jo,

    ukuman sirimanua samberi ibairat. 

6. BesiNia ka Getsemane, tusiliktenga leu,

    sibailiu uluietta te, iorik sikatai.

7. Polak manua umun le, Taikamanuanta,

    iake tiboietNia samba enunganNia.

XII. TONEM BAGA. 50. Tuhan jago aku

G = do, 3 ketuk

Ref. KJ/283. Gembalaku Tuhan

(Der Heer is mijn Herder)

1. Tuhan jago aku! Biri-biriM ne;

     Nupakom le aku ka mone simeru,

     Ipalulu aku ka simaineng.

2. Tuhan jago aku! Arau ketsatku:

     ka bagat oniM le anutebui aku.

     Ipalulu aku ka enunganNia.

3. Tuhan jago aku! Tata lotoku:

    Kenanen moi saggak ka pugepgeman ne

    Mariuriu iake pusuibiatNia

4. Tuhan jago aku! Ka eijananku

    Nutarekngake poi ka matat saggakku:

    komen samba loku leu anuake.

5. Tuhan jago aku! Kuikepmake

    kudduat simeru teret buru-buru;

    mariuriu te sedda bujai kusilo.

XI. KALEPAKAT POLAK. 49. Ke munau bai pipiau

G = do, 4 ketuk 
Ref.KJ/278. Bila sangkakala menggegap
(When the trumpet of  the Lord shall sound)

1. Ke munau bai pipiau aili gogoi sialu,

    iate tetere ka oijananNia;

    ke tubasaake onin sangamberi sinebui.

    ai te aku sedda ka bagania.

    Reff.

    Ke tubasaake oni, ke tubasaake oni,

    ke tubasaake oni, ke tubasaake oni, ai aku.

2. Ke amateian bai sita ka bagat oniNia,

    isuruake le minca tubu ne,

    paruru ka Uman Tuhan ka kudduat simeru,

    ai te aku sedda ka bagania.

3. Simancep teret sinoibo kauan tapugalai kam,

    masipakakra tiboiet Tuhanta

    Aili kalepakat polak lepa leu galajetku,

    ka Uman Tuhan le kuailiake.

48. Ke iailingan tetere

Bes = do, 4 ketuk 

Ref.KJ/267. Bila muka dengan muka

(Face to face)  

1. Ke iailingan tetere kuitco Sipanebui,

    Bulat maangka bagaku aimatei lulut joku!

    Reff.

    Ke iailingan tetere kuitco Sipanebui.

    Kuailiake Tuhanku Ukkui Taikamanua.

2. Kenanen tapei kuitco kise bulat tubuNia.

    Ka gogoi sialu geti iaili tetereNia.

3. Bulat  maangka bagaku tata le reureu baga.

    Airoipoake enungan ka bagat pupatokat.

4. Ke iailingan tetere kuailiake Nia,

    Tuhan Yesus Sipaarau Simakate baga le!

X. PURIMANUAIAT MANUA 47. Ai te sara laggai simeru

G = do, 4 ketuk 

Ref.KJ/266. Ada kota yang indah permai

(There is a land that ir fairer than day)

1. Ai te sara laggai simeru,

    kudduat simatonem baga,

    laggai Ukkui Taikamanua,

    kasegekatda simamanang.

    Reff

    Maeru kudduat

    ka Manua laggai simeru.

    Maeru kudduat

    ka Manua laggai simeru.

2. Paaili te senen saalei

    muurai le ka angkat baga,

    sanang le teret buru-buru,

    tata samberi reureubaga.

3. Ka Ukkui, Simakate baga

    mateu takau pusurakatta:

    senen gogoi abeu anggaiNia,

    iake leu panukananNia.

46. Ake KetsatNu ka patuatKu

C=do,  4 ketuk 

Ref.KJ/239. Turun Roh Allah dalam hatiku

(Spirit of God descend upon my heart)

1. Ake ketsatNu ka patuatku,

    palina tubu samba ketsatku,

    ronake leu gulai tubuku ne

    katet bagaM leu nuake kaku.

2. Ta ku sisidoni pangamutet,

     ele ka sara patuaggaiat,

     sarat nene le panindogatku,

     areuake gepgep patuatku.

3. Ta' pa Ekeu, Yesus, masikua:

    Pununtuki le Taikamanuam?

    Sarat siliktenga le kuukka,

    bule kusese Ekeu Tuhanku.

4. Gelai le aku moi ka bebeNu,

     muom baga ka pasisiboat,

     areuake le karat bagaku,

     ke tapei nuarep tiddogetku.

5. Gelai le aku mukate baga,

    aipoi ka ketsat le nurau aku,

    kusegeake paatuatku,

    sarat ka bagat nuntut bagam le.

IX. PENTAKOSTA. 45. Ka gogoi Pentakosta

F = do, 6 ketuk (2X3)

Ref.Kj/234 Di hari Pentakosta

When God the Holy Spirit

1. Ka gogoi Pentakosta Ketsat Sipunenan,

    igelaiake Yesus sipasiuluiNia.

2. Ketsat Sipunenan le ka bagat paatuat,

    igelai iromake ipaalei aku.

3. Kuoba masiarep Ketsat Sipunenan,

    sipasigelai aku masitut Panebui.

4. Ketsat Sipunenan le Simakate baga,

    ipaalei senen gogoi tubu ketsatku ne.

44. Mukere baga simeru

Bes = do, 4 ketuk
Ref. KJ/249 Serikat  persaudaraan

1. Mukere baga simeru samberi pamian!

    Muineake pusaraat ka bagat Tuhanmui.

    Puenung le simakere, paron tonem baga,

    besiake paabanan samba katet baga.

2. Kau imaron pusaraat ka uddut Bongenta,

    Musara ka tonem baga ka bagat Tuhanmui.

    Sara le poi pasiraukat ka onin Ukkuita,

    sikere baga samberi masiumun Nia.

3. Ka senenmui aiakean anggai bagaNia,

    ibara ukut bagamui mangamang mugalai.

    Paepe le paatuat ka Taikamanua,

    Pamian repdep Ngantoman, pakate kam baga.

43. Aku gareja ekeu gareja

G = do, 4 ketuk 
Ref.KJ/257 Aku gereja kaupun gereja
(We are the church)

Reff.

Aku gareja, ekeu gareja sita sangamberi gareja

situtnake Yesus sangalio polak

sangamberita te gareja

1. Gareja ta te tubut uma,

    samba ta te menarania:

    buka matat baliu, itco ka kabagania,

    Gareja sirimanua le.

2. Maigi le sirimanua

    kisedda leu tai bangsa-bangsa,

    ta makere nganga samba putubuat,

    pulaggaiat leu ta makere.

3. Teteret gogoi Pentakosta

    iake Ketsat Sipunenan;

    iguggluake le samberi gareja

    masipakakra tiboietNia.

VIII. URAI PURIMANUAIAT PAAMIAN. 42. Ka uddut Bukku Bongan

D = do 4 ketuk
Ref.KJ/252 Batu penjuru dunia
(The church's one foundation)

1.Ka uddut Bukku Bongan pamian simaron,

   Tuhanta Yesus Kristus sibarake nia.

   Ka geget logauNia itebui pamian;

   kabagat pasiraukat samba tiboietNia

2. Sinogai ka tai bangsa ka bagat polak ne,

    bailiu sara pamian kabagat Tuhanta.

    Maigi panukanan sara pasiraukat,

    sara leu ka Pukoman SipunenanNia 

3. Ta' bai meru nganturat ragat pusaraat,

    Maingo sapamian, maoru bairanen. 

    Musoga sapamian "Piga buru nia?"

    Ipasat reureu baga bara angkat baga.

4. Ta masusu pamian teret buru-buru,

    Tuhan masipalulu ka katet bagaNia.

    Kenanen migi saggak masiraurau sia,

    Ijago le Tuhanta sapakoinietNia

5. Ke moi pasisiboat samba pangoringan,

    riuriu le nukaroni aban kai Tuhanta.

    Bule nuitco toro samba kamamanang,

    teret sege ka bagat puangkakat baga.

6. Pamian sipanindou ka bagat polak ne,

    musara kai Tuhanta Sitelusara et. 

    Tuhan ake bujaiNu bule kusege kai,

    ka kudduat simeru teret buru-buru.